This page uses Javascript. Your browser either doesn't support Javascript or you have it turned off. To see this page as it is meant to appear please use a Javascript enabled browser.
 
 
 
  
 
 
Գլխավոր Ծրագրի մասին Գրապահարան Միջոցառումներ Գրախանութներ Լուսանկարներ
 

Սիրելի՛ ընթերցող

 Եթե սպասում ես ամառային արձակուրդին, որ մի լա՜վ հանգստանաս, ապա մասնակցի՛ր ԱՄԱՌԱՅԻՆ ԸՆԹԵՐՑԱՆՈՒԹՅՈՒՆ մանկապատանեկան ծրագրին. չէ՞ որ ընթերցանությունը հանգստի լավագույն միջոցներից է, և մեր արկածասեր հերոսներին միանալով` գրքերի հենց առաջին էջերից կսկսես քո երևակայական ճամփորդությունը:

Ամռան ընթացքում՝ հունիսի 1–ից մինչև օգոստոսի 31–ը, ընթերցի՛ր և փոխանակի՛ր ավելի քան երեք տասնյակ գիրք (գրքերի ցանկին կարող ես ծանոթանալ կայքի  ԳՐԱՊԱՀԱՐԱՆ բաժնում)` գնելով դրանցից միայն մեկը:

Գրքի հետ դու կստանաս հատուկ քարտ, որը ներկայացնելով՝ կարող ես գիրքն անվճար փոխանակել այն բոլոր գրախանութներում, որտեղ տեղադրված են ԱՄԱՌԱՅԻՆ ԸՆԹԵՐՑԱՆՈՒԹՅՈՒՆ ծրագրի տնակ–գրապահարանները:

 Տնակ–գրապահարանները մենք հարստացրել և շարունակում ենք հարստացնել համաշխարհային և հայ հեղինակների լավագույն ստեղծագործություններով:

ԱՄԱՌԱՅԻՆ ԸՆԹԵՐՑԱՆՈՒԹՅՈՒՆԸ ակտիվ ծրագիր է. ամռան ընթացքում մասնակցի՛ր շնորհանդեսների, գրական հանդիպումների, փոքրիկ բեմականացումների ու խաղ–վիկտորինաների  և ստացի՛ր հետաքրքիր այլ միջոցառումների հրավերներ:

Գունե՛ղ դարձրու ամառդ, ճանապարհորդի՛ր նոր հերոսների հետ և ծանոթացի՛ր ծրագրի մասնակից մյուս «ճանապարհորդներին», կիսվի՛ր տպավորություններով ու կարծիքներով ծրագրի պաշտոնական կայքէջում և տնակներին կցված կարծիքների տուփի՛ն վստահիր քո մտքերը, առաջարկներն ու գաղափարները:

Ընթերցասեր և ակտիվ մասնակիցները իրենց կուտակած միավորներով ձեռք կբերեն լավագույն ընթերցողի կարգավիճակ և կստանան արտոնություններ ու խրախուսական մրցանակներ:

Ծրագրի լավագույն ընթերցողները արտոնյալ ընթերցողներ են:

Գնի՛ր մեկ գիրք և առա՛ջ անցիր քո ընկերներից՝ կարդալով գրատնակի բոլոր գրքերը:



ԶԱՆԳԱԿ հրատարակչություն

www.zangak.am 

Հեռ.` (010) 23 26 49





ԳՈՐԾԸՆԿԵՐՆԵՐ
Thumbnail Slider


Կարծիքներ

      
Նարե Մաճկալյան
Զվարճալի և հետաքրքիր գիրք էր: Ինձ շաաաաատդուր եկավ:

Հայկ Զեյնալյան
Ինչպես և նախորդ ստեղծագործությունը, սա նույնպես սիրվեց իմ կողմից: Այն շատ հետաքրքիր էր,լի ուրախ, զավեշտալի դրվագներով ու դեպքերով:

Էմիլի Դոլխանյան
Չնայած որ այս պատմվածքը առաջին անգամ է ընդգրկված Ամառային ընթերցանությունում. այն արդեն հասցրել է սիրվել բոլորի կողմից: Շատ հիանալի գիրք է:

Անահիտ Կարապետյան
Հիանալի պատմվածք էր : Միշտ էլ տարբերվել են հայազգի հեղինակների պատմվածքները իրենց մտահաղացմամբ: Չիփչու Նիչուն դրական կերպար կարող է հանդիսանալ յուրաքանչյուր երեխայի համար : Խորհուրդ կտամ ընթերցել գիրքը :

Մարի Տեր–Թադևոսյան
Չիփչու Նիչուն շատ զվարճալի և տպավորվող կերպար է: Նա կարողացավ ընկերանալ ամենակամակոր երեխայի հետ, համոզել նրան, որ շիլան շատ համեղ և օգտակար կերակուր է, որ կամակորությունը լավ բան չէ: Հուսով եմ, որ ընթերցող երեխաները շիլայի հարցում կամակորություն չեն անի, որպեսզի քաղցած չմնան. չէ՞ որ ծիածանի վրա ապրող Չիփչուները կարող են ուտել այն:

Սոնա Մաիլյան
Շաաատ զվարճալի գիրք էր:Ինձ շատ դուր եկավ այս գիրքը:

Նատալի Բասմաջի
Շատ վառ տպավորություններ և ծիածանի նման գույնզգույն երանգներ, անձրևից հետո թարմություն գտա այս գրքի յուրաքանչյուր էջում: Գիրքն անպայման կրկին ընթերցելու եմ:

Ինեսա Միրզոյան
chipchun shat bklik e bait shat lavn e. ind dur ekav masnaktel chipchui arkatnerin.

Միլենա Կարապետյան
Ինձ շատ դուր եկավ Չիպչու Նիչուն և կամակորները գրքի շնորհանդեսը։Մասնակցելով այդ միջոցառմանը ես Նաիրա Եդիգարյանի շնորհիվ Չիպչու Նիչույի մասին շատ բան իմացա։



            © 2014-2018 Zangak 97