Հաճախ տրվող հարցեր

Այս հարցը հաճախ են տալիս. անկեղծ ասած՝ մեզ համար «Զանգակ»-ը նույն ընտանիքն է՝ լինի գրատուն, թե հրատարակչություն: Բայց հոգ տանելով ընթերցողի ու գնորդի հարմարավետության մասին՝ հրատարակչությունն ու գրատների ցանցը գործում են որպես առանձին կառույցներ և ունեն առանձին կայքեր:

Այժմ դուք «Զանգակ» հրատարակչության կայքում եք: Մեր հրատարակչությունը զբաղվում է դասագրքերի, մանկապատանեկան և թարգմանական գրականության հրատարակմամբ, նաև ունի տպարան և ընդունում է տպագրական պատվերներ: «Զանգակ» գրատունը զբաղվում է գրքերի ներմուծմամբ և վաճառքով և ընթերցողին է առաջարկում բազմալեզու գրքերի անհավանական մեծ տեսականի: Կարող եք այցելել գրատան կայք հետևյալ հղումով:

Իսկ ի՞նչն է միավորում հրատարակչությունն ու գրատունը: «Զանգակ»-ի հիմնադիրը Մկրտչյան ընտանիքն է: Եվ երկու «Զանգակ»-ների տեսլականը նույնն է: Մենք հավատում ենք, որ հնարավորություններն անսահման են, երբ առաջնորդվում ենք գիտելիքի ուժով: Թե՛ «Զանգակ» հրատարակչությունում, և թե՛ «Զանգակ» գրատանը մենք ամեն օր ջանում ենք ստեղծել հնարավորություններ, որ Դուք գիտելիքի շնորհիվ կերտեք Ձեր ապագան:

«Զանգակ» հրատարակչության ողջ տեսականին ներկայացված է կայքում: Ընտրե՛ք ձեզ հետաքրքրող հրատարակությունները, և մենք ձեր զամբյուղը ապահով կտեղափոխենք «Զանգակ» գրատան կայք՝ գնումներ կատարելու: Մեր հրատարակած գրքերի մեծածախ վաճառքի մանրամասներին և առավելություններին կարող եք ծանոթանալ Մեծածախ վաճառք բաժնում:

Հրատարակչության հիմնական գնորդներն են գրախանութները, ուսումնական հաստատությունները, գրադարանները և այլ կազմակերպություններ: Մանրածախ գնումը կարող եք կատարել նաև առցանց: Մենք հոգացել ենք, որ գնման գործընթացը ձեզ համար լինի հեշտ ու հարմարավետ:

Մեծածախ վաճառքի հնարավորություններին կարող եք ծանոթանալ կայքի Մեծածախ վաճառք բաժնում:

«Զանգակ»-ի գրքերն ավելի ու ավելի են մոտենում ձեզ: «Զանգակ» գրատների ցանցը գործում է Երևանի 6 հասցեներում, ինչպես նաև առցանց:

Գտե՛ք ձեզ ամենամոտ մասնաճյուղը այս հղումով կամ գնումը կատարե՛ք առցանց:

Եթե ձեզ հետաքրքրող հրատարակությունն այլևս առկա չէ գրախանութներում, ամենայն հավանականությամբ այն սպառված է նաև հրատարակչության պահեստում: Դուք կարող եք հարցումով դիմել մեր ֆեյսբուքյան էջին՝ ճշտելու ձեզ հետաքրքրող գրքի վերահրատարակման հավանականությունը:

Հրատարակությունից դուրս եկած գրքերն, այնուամենայնիվ, հասանելի են հանրային գրադարաններում: Հավանական է, որ ձեզ հետաքրքրող հրատարակությունն առկա է նաև հին գրքերի վաճառքով զբաղվող գրավաճառների մոտ:

Եթե դուք գնել եք «Զանգակ» հրատարակչության գիրքը և տեխնիկական խոտան եք նկատել, ապա մենք սիրով կփոխանակենք այն նորով: Կարող եք զանգահարել 011232528 հեռախոսահամարով կամ մոտենալ հրատարակչության գրասենյակ՝ Կոմիտասի 49/2 հասցեով: Կտրոնի առկայության պարագայում նման գրքերի փոխանակումը կարող եք իրականացնել թե՛ «Զանգակ» գրատների ցանցում, թե՛ այն գրախանութներում, որտեղից գնում եք կատարել:

Խնդրում ենք նկատի ունենալ, որ մենք կարող ենք փոխարինել տեխնիկական խնդիր ունեցող գիրքը, բայց ոչ փոխանակել այլ գրքերով:

«Զանգակ» գրատան գրքերի վերադարձի և փոխանակման պայմաններին կարող եք ծանոթանալ գրատան կայքում:

Հայաստանի գրական դաշտն ունի ակնհայտ առավելություն. մեր հեղինակները հիմնականում հասանելի են հանրային շփումների տեսանկյունից: Իսկ «Զանգակ»-ի հայ հեղինակներն առավել հասանելի են: Մենք սիրով կփոխանցենք ձեր հարցը, ցանկությունը կամ առաջարկը (բացառությամբ նյութական նվերների կամ անձնական բնույթ կրող հաղորդագրությունների), եթե դուք դժվարանում եք հանդիպել ձեր սիրելի հեղինակին կամ թարգմանչին:

Համաշխարհային թարգմանական գրականության դեպքում մենք կապ ենք պահպանում հեղինակին ներկայացնող գործակալության հետ, և հեղինակի հետ շփման առիթ ենք ունենում միայն միջազգային փառատոների ժամանակ, կամ երբ նրանք Հայաստան են այցելում:

Եթե նախատեսում եք միջոցառում կազմակերպել կամ միջոցառման հրավիրել «Զանգակ»-ի որևէ հեղինակի կամ թարգմանչի, գրե՛ք մեզ info@zangak.am հասցեով, և մենք միասին կստեղծենք ոգեշնչող իրադարձություն: 

Եթե ցանկանում եք հյուրընկալել մեր հեղինակին կամ թարգմանչին և ունեք հաստատված միջոցառման ծրագիր, խնդրում ենք ներկայացնել այն՝ զանգահարելով 010232528 հեռախոսահամարով: 

Իհա՛րկե, ձեր գործընկերը տվյալ դեպքում «Զանգակ» գրատունն է: Ուղարկե՛ք նախատեսվող միջոցառման նկարագրությունը info@zangakbookstore.am էլ. հասցեին կամ զանգահարե՛ք +374 11 22 33 66 հեռախոսահամարով՝ ձեր ծրագիրը ներկայացնելու կամ դրան ընթացք տալու համար: Իսկ մեզ կարող եք հյուր կանչել:

«Զանգակ» հրատարակչությունն ու «Զանգակ» գրատունը գործում են որպես առանձին կառույցներ և ունեն միջոցառումների առանձին ծրագրեր: Այդուհանդերձ, մենք հաճախ ենք համատեղ միջոցառումներ կազմակերպում գրատան տարբեր մասնաճյուղերում:

Հրատարակչության առաջիկա միջոցառումներին կարող եք ծանոթանալ այստեղ:

Գրատան առաջիկա միջոցառումներին կարող եք ծանոթանալ այստեղ: 

Նախկինում և այսօր մեր դռները միշտ բաց են հյուրերի առաջ: Տարիների ընթացքում տարբեր առիթներով հյուրընկալվելով մեր հրատարակչությունում, գրատանը կամ տպարանում՝ հարյուրավոր երեխաներ ու մեծեր ծանոթացել են գրահրատարակչական ու տպագրական գործին:

Ձեր այցի ձևաչափը քննարկելու համար կարող եք կապ հաստատել հրատարակչության հետ 010232528 հեռախոսահամարով:

«Զանգակ»-ի հիմնական ուղղվածությունը ուսումնական գրականության ստեղծումն է: Մենք թարգմանում ենք նաև համաշխարհային բեսթսելլերներ, բացահայտում նոր հեղինակների ու նկարազարդողների: Հրատարակության համար դիտարկում ենք գրքեր, որոնք նշանակալից են դարձնում գիտելիքը և հնարավորություններ են ստեղծում ընթերցողի համար:

Ցանկանում եք հրատարակչական կամ թարգմանական հա՞յտ ներկայացնել: Եթե համարում եք, որ մենք հետևում ենք նույն արժեքներին, մի՛ երկմտեք:

Շնորհակալ ենք, որ ընտրում եք «Զանգակ»-ը ու կիսում նույն արժեքները: Հեղինակներին էջում ծանոթացե՛ք պայմաններին և համապատասխանության դեպքում դիմե՛ք մեզ հրատարակչական առաջարկով:

Ի սրտե հաջողություն ենք մաղթում:

Սովորաբար մենք արձագանքում ենք հայտին մինչև մեկ ամսվա ընթացքում: Ժամկետը կարող է երկարաձգվել, եթե խմբագրի մեջ հավելյալ հարցեր են առաջանում հայտի վերաբերյալ:

Եկե՛ք նախ ծանոթանանք:) Թարգմանիչներին էջում նշված են այն պայմանները, որոնց համապատասխանելու դեպքում կարող եք դիմել մեզ թարգմանական առաջարկով:

Սիրով կսպասենք Ձեր հայտին:

Անպայման, և ոչ միայն: Հոնորարից բացի՝ դուք կստանաք ընթերցողների սերը և կդառնաք «Զանգակ»-ի հեղինակն ու լավ ընկերը: Համագործակցության պայմանները կարող ենք քննարկել ձեր հայտի հաստատումից հետո: 

Այո՛, ծնողի կամ օրինական խնամակալի համաձայնությամբ անչափահասը կարող է դառնալ հրատարակչության և՛ հեղինակը, ե՛ւ պատվիրատուն: Մեր հեղինակների թվում կան նաև մանկահասակ նկարազարդողներ:

Մեր մեծ ընտանիքը կազմված է տարբեր սերնդի պայծառ մարդկանցից: Եթե ձեզ սրտով զանգակցի եք համարում, մեր թափուր աշխատատեղերին ծանոթացե՛ք Կարիերա բաժնում: Մենք էլ ձեզ ի սրտե հաջողություն ենք մաղթում: