«Հայոց լեզու 11» դասագրքի հիմքում դրված են սկզբունքներ, որոնք ուղղված են՝
• առարկայական չափորոշչով սահմանված գիտելիքների, հմտությունների, վերաբերմունքի և արժեքային համակարգի ձևավորմանը,
• սովորողների մոտ ինքնուրույն և ցկյանս սովորելու պահանջմունքի զարգացմանը,
• ընթերցանության, ըմբռնման և կիրառական հմտությունների ամրապնդմանը,
• ազգային և համամարդկային արժեքների համադրությանը,
• կառուցողական մտածողության և ազատ արտահայտվելու կարողության խթանմանը,
• համընդհանուր ներառական կրթության ապահովմանը։
Դասագրքի հիմնական առանձնահատկություններն են՝
• Գիտելիքահեն կրթությունից անցում կարողունակահեն կրթության՝ շեշտը ոչ թե միայն փաստերի սերտման, այլ դրանց կիրառման ու վերլուծության վրա։
• Փոխգործուն և հետաքրքիր ուսուցում՝ բազմազան առաջադրանքներով, լսանյութերով, QR հղումներով։
• Սովորել սովորելու մոտեցում՝ սովորողին տրամադրելով գիտելիք գտնելու, ընտրելու, մշակելու և կիրառելու գործիքներ։
Համընդհանուր ներառական կրթության ապահովում՝ ներառական կրթության համատեքստում կարևորվում է կրթական համակարգերի հարմարեցումը բոլոր սովորողների կարիքներին ու առանձնահատկություններին։
Յուրաքանչյուր թեմա ներառում է՝ գիտելիք, բառապաշար, հմտություններ, քննարկում, արժեքներ, նպատակային խոսք, լսանյութեր և ինքնագնահատում։
Դասագրքին կից նյութերը տե՛ս այստեղ։
Հասանելի է դասագրքի PDF տարբերակը:
Հայոց լեզու 11։ Մեթոդական ուղեցույցը հասանելի է այստեղ։
