Իսկ դուք հանդիպե՞լ եք Խխունջ Հենրիին կրկեսում: Տեսե՞լ եք նրա հմուտ ու ճարպիկ հնարքները: Եթե դեռ ոչ, ուրեմն ճիշտ ժամանակն է ծանոթանալու և ընկերանալու:
«Խաղարան» ինտերակտիվ տիկնիկային թատրոնն ու «Զանգակ» հրատարակչությունը իսկական տոն են պարգևելու բոլոր այն փոքրիկ ընթերցասերներին, ովքեր մարտի 27-ին՝ ժամը 14:00-ին կգան «Զանգակ» գրատուն (Աբովյան 7): Ներկայացումը ստեղծվել է Կատարինա Մացուրովայի «Խխունջ Հենրին» գրքի հիման վրա, որը հայերեն թարգմանել է «Զանգակ» հրատարակչությունը:
Սա հիասքանչ պատմություն է տոկունության, փոխօգնության և սեփական ներուժը բացահայտելու մասին:
Իսկ ներկայացման ընթացքում դու, սիրելի՜ փոքրիկ, ինքդ կարող ես դառնալ հրաշագործ ու զարմացնել ներկաներին քո հնարքներով:
Կսպասենք քեզ: Մուտքն ազատ է՝ գրանցումով։
https://zangakbookstore.am/events/khkhunj-henrii-krkesy
Միջոցառման կազմակերպիչներ՝ «Զանգակ» հրատարակչություն / Zangak Publishing House,
«Խաղարան» ինտերակտիվ տիկնիկային թատրոն և «Զանգակ» գրատուն / Zangak Bookstore