Նկարազարդողների հետ մեր համատեղ աշխատանքը հեքիաթ է ստեղծում երեխաների համար: Մենք ջանում ենք ստեղծել գրքեր, որոնք գույնի ու պատկերի նոր գեղարվեստական ուղենիշ են սահմանում: Մենք հարուստ ենք գրքերով, որոնք ստեղծվել են հայ հեղինակների և նկարազարդողների հետ համագործակցության արդյունքում և դարձել երեխաների սիրելին:
Կսպասենք ձեր հայտ-նամակին, եթե դուք ունեք․
գրքերի նկարազարդման փորձ և ցանկանում եք համագործակցել,
պատկերագրքի առաջարկ (ունեք նկարազարդված բացվածքներ կամ ավարտուն աշխատանք),
մտահղացում, որը ցանկանում եք քննարկել,
սիրելի հեղինակ, որի ստեղծագործությունը ցանկանում եք նկարազարդել:
Լրացրե՛ք այս հայտը՝ թեմայի տեղում նշելով «Նկարազարդման առաջարկ», և կցե՛ք ձեր պորտֆոլիոն (առավելագույն ծավալը՝ 10 մեգաբայթ): Ավարտուն աշխատանքի պարագայում խնդրում ենք հաղորդագրություն բաժնում ներկայացնել դրա նկարագիրը (ժանր, ծավալ, վերնագիր, կարճ բովանդակություն):
Կհանդիպենք «Զանգակ»–ում:
Հրատարակչությունը նախաձեռնել է նաև Հայաստանի նկարազարդողներին ներկայացնող illustrators.am կատալոգների հրատարակումը, և պարբերաբար ներկայացնում է դրանք տեղական և միջազգային գրքի փառատոնների շրջանակում: