Արմինե Կարապետյանը նկարազարդող է, դիզայներ, որմնանկարիչ։ Ավարտել է Երևանի Փ. Թերլեմեզյանի անվան գեղարվեստի պետական քոլեջը, Հայաստանի Գեղարվեստի պետական ակադեմիայի գրաֆիկայի բաժինը, 2020-ին ուսումը շարունակելով Սանկտ-Պետերբուրգի Շտիգլիցի անվան գեղարվեստա-արդյունաբերական պետական ակադեմիայում (հաստոցային եւ գրքի գրաֆիկայի բաժին)։
Ստեղծում է նկարազարդումներ և մշակում դիզայն գաղափարներ արվեստի, գրքերի, կոմիքսների, անիմացիաների համար, նախագծում և նկարում է պատերին ու մակերեսներին, աշխատում է հայաստանյան տարբեր ընկերությունների հետ՝ EvocaBank, Picsart, Sololearn, Ucraft, Acba bank եւ այլն։
Աշխատում է ավանդական նյութերով՝ ջրաներկ, ակրիլ, համակարգչային ծրագրերի գործիքներով, համատեղում է տարբեր տեխնիկաներ ու ոճեր։
Բնակվում է Երևանում։