Բեռնարդու Պ․ Կառվալյու (Bernardo P. Carvalho)
Բեռնարդու Կառվալյուն ծնվել է 1973 թվականին Լիսաբոնում: Սովորել է Լիսաբոնի Գեղարվեստի ակադեմիայում՝ մասնագիտանալով Հաղորդակցության դիզայնի (Communication Design) ոլորտում: 1999-ին համահիմնադրել է «Planeta Tangerina» անկախ հրատարակչությունն ու արվեստանոցը, որտեղ աշխատում է մինչ օրս։
Բեռնարդուի գրքերն ու նկարազարդումները հրատարակվել են աշխարհի ավելի քան 25 երկրներում, նկարիչն արժանացել է բազմաթիվ հեղինակավոր միջազգային և ազգային մրցանակների ու պատվոգրերի, որոնց նշանակալի մասը՝ «Lá fora» («Դրսում») Բնությունը բացահայտելու ուղեցույցի նկարազարդումների համար։