Դեյվիդ Լիչֆիլդը նկարել սկսել է շատ վաղ հասակից: Նկարչի նրա տաղանդը ձևավորվել է մանկական գրքի և անիմացիայի այնպիսի նշանավոր վարպետների ազդեցությամբ, ինչպիսին են Ալբեռ Ուդեռզոն («Աստերիքսի արկածերը») և Սիլվեն Շոմեն («Երեքը Բելվիլից»):
Լիչֆիլդը կիրառում է ավանդական նկարչական տեխնիկաներ, միավորում վերջիններիս զանազան տարրերը համակարգչային ծրագրերի միջոցով` արդյունքում ստանալով մեծածավալ, հուզիչ պատկերներ:
«Արջը և դաշնամուրը»՝ Դեյվիդ Լիչֆիլդի առաջին պատկերագիրքը, 2016 թ. արժանացել է Ուոթերսթոունզ մանկական գրքի մրցանակին նկարազարդ գրքերի անվանակարգում և դարձել համաշխարհային բեսթսելլեր։