Գրող, բանաստեղծ, հասարակական գործիչ
Ծնվել է 1869 թվականի փետրվարի 19-ին, Դսեղ գյուղում:
Սովորել է Թիֆլիսի Ներսիսյան Ճեմարանում, սակայն նյութական ծանր իրավիճակի պատճառով թողել է դպրոցը եւ աշխատել Թիֆլիսի հայ եկեղեցական դատարանում, այնուհետեւ Հայ Հրատարակչական միության գրասենյակում:
Սկսել է ստեղծագործել 1880-ականներից, համագործակցել հայկական տարբեր թերթերի ու ամսագրերի հետ։ Լայն ճանաչում է ձեռք բերել «Բանաստեղծություններ» ժողովածուների (1-2 հատոր, 1890-92) լույսընծայումով։
1899 թվականին հիմնել է «Վերնատուն» հայտնի գրական խմբակը: XX դարի սկզբին հայտնի է դառնում նաեւ որպես հասարակական գործիչ։ 1905-07 թվականներին մասնակցում է Բաքվի հայ-թաթարական ընդհարումների հաշտեցմանը։ Երկու անգամ ձերբակալվում է (1908 եւ 1911) ցարական կառավարության կողմից:
1912–1921 թթ. դառնում է Հայ գրողների կովկասյան միության նախագահը, Հայաստանի խորհրդայնացումից հետո՝ Հայաստանին օգնության կոմիտեի նախագահ (1921-22)։
Վախճանվել է 1923 թ. մարտի 23-ին, Մոսկվայում։