Դուք նույնպես չափից ավելի մեծ նշանակություն մի տվեք ձեր իրականությանը, ինչպիսին այն ընկալում եք այսօր, քանի որ երեկ, ինչպես եւ վաղը, կարող է պարզվել, որ այն պատրանք է:
Լուիջի Պիրանդելոն իտալացի գրող և դրամատուրգ է, գրականության Նոբելյան մրցանակի դափնեկիր (1934 թ.)։ Պիրանդելլոյի պիեսները հաճախ դիտարկվում են որպես աբսուրդի թատրոնի նախակարապետներ: Պիրանդելլոն հեղինակել է վեպեր, հարյուրավոր պատմվածքներ և շուրջ 40 պիես, որոնցից մի քանիսը գրված են սիցիլիական բարբառով։
Պիրանդելոն ծնվել է 1867 թվականին սիցիլիական Գիրգենտիում, այժմյան Ագրիջենտո քաղաքում։ Նրա հայրը ծծմբի վաճառող էր և ակնկալում էր, որ որդին կզբաղվի իր առևտրով, բայց Լուիջին նախընտրեց գրական ուղին: