Մարտեն Ուինքլերը (Մարկ Զաֆրան) ծնվել է 1955 թվականին Ալժիրում։ Նրա ընտանիքը սկզբում տեղափոխվել է Իսրայել, ապա՝ 1962 թվականին՝ Ֆրանսիա։ Ուինքլերը բժշկական կրթությունը ստացել է 1982 թվականին և 1983-ից սկսել է աշխատել որպես ընտանեկան բժիշկ՝ բացելով սեփական բժշկական գրասենյակը։ Զուգահեռաբար աշխատել է կանանց առողջության և ընտանիքի պլանավորման կենտրոնում։ Նրա առաջին վեպը՝ «La Maladie de Sachs», լույս է տեսել Ֆրանսիայում 1998 թվականին և անսպասելիորեն դարձել է բեսթսելեր։ Հեղինակ է սոցիալական, առողջական թեմաներով բազմաթիվ Էսսեների, գրքերի, նաև մանկական ստեղծագործությունների: