Ութերորդ դասարանի գնահատվող թեմատիկ և գործնական աշխատանքների ժողովածուն կազմված է նոր կրթական չափորոշիչների և հանրակրթության պետական չափորոշիչներին համապատասխան: 

Ժողովածուն  պարունակում է՝ 

• Յոթերորդ դասարանի դասընթացի կրկնության մեկ թեստ 

• Ութերորդ դասարանի յուրաքանչյուր թեմայից մեկ գնահատվող թեստ 

• Ութերորդ դասարանի գնահատվող երեք գործնական աշխատանքներ 

Ժողովածուի նպատակն է՝

• Միասնական մոտեցում ցուցաբերել հանրապետության ողջ տարածքում ութերորդ դասարանի սովորողների չափորոշչային վերջնարդյունքների գնահատումն իրականացնելիս; 

• Զարգացնել սովորողների հմտություններն ու կարողունակությունները ոչ միայն տեսական նյութի միջոցով, այլև թեմատիկ ամփոփիչ և գործնական աշխատանքների միջոցով: 

• Աջակցել սովորողների քիմիական մշակույթի ձևավորմանն և զարգացմանը: 

• Սովորողներին զինել արտակարգ իրավիճակներում կիրթ դրսևորվելու կարողունակություններով: 

•  Հասնել նրան, որ յուրաքանչյուր  սովորող իր սեփական գործողություններով նպաստի բնապահպանական խնդիրների լուծմանը, ինչպես նաև Երկիր մոլորակի կայունությանը; 

• Յոթերորդ և ութերորդ դասարանների քիմիայի դասընթացը դիտարկել որպես քիմիա առարկայի հետագա շարունակական կրթության հիմք՝ դրանով սովորողներին լավագույնս նախապատրաստել հիմնական դպրոցի  բնագիտության ավարտական քննությանը; 

• Յուրաքանչյուր թեստային և գործնական աշխատանքի համար հատկացվում է  45րոպե,  յուրաքանչյուր աշխատանքի ընդհանուր միավորը՝ 30 է, հաշվի է առնված, որ այդ ժամանակում ավելի շատ միավորներն անիրատեսական են: 

• Յուրաքանչյուր աշխատանքից հետո տեղադրված է նաև գնահատման սանդղակը, որ ուսուցիչն է լրացնում աշխատանքը ստուգելուց հետո, այնուհետև սովորողն իրականացնում է ինքնագնահատում: Այս մոտեցումը նպաստում է սովորողների ինքնագնահատման հմտությունների ձևավորմանը, ինչպես նաև սեփական սխալները ուղղելու և առաջ ընթանալու հնարավորություն է ստեղծում: