Երկրորդ՝ լրամշակված հրատարակություն
Դասագրքում ներկայացվում են արդի արևելահայերենի ձևաբանական նորմը և դրա զարգացման հիմնական ուղղությունները:
Դասագիրքը մատուցում է առավելապես կիրառական գիտելիքներ: Այդ իսկ պատճառով նրանում զետեղված է հարուստ գործնական նյութ՝ առատ օրինակներով, ծանոթագրություններով և այլն: Գործնական նյութին խստորեն առնչվող տեսական հարցերի վերաբերյալ տարբեր լեզվաբանների կարծիքները համառոտ շարադրված են «Տեսակետ» բաժիններում:
Քերականական մի շարք իրողություններ ներկայացվում են նոր մոտեցմամբ, դասակարգման ու մատուցման առավել հստակ մեթոդաբանությամբ:
Դասագիրքը նախատեսված է բուհերի բանասիրության ֆակուլտետների ուսանողների, հայոց լեզվի ուսուցիչների և բոլոր նրանց համար, ովքեր հետաքրքրվում են հայերենի քերականությամբ:
