Ամփոփիչ գրավոր աշխատանքների տետրերը ներկայացված են երկու՝ Ա և Բ տարբերակներով, յուրաքանչյուր կիսամյակի համար։
Ընդգրկում են առարկայական ծրագրին համապատասխան թեմայի վերջնարդյունքները ստուգող առաջադրանքներ։
Տետրերը նպաստում են բնութագրող և ձևավորող գնահատման իրականացմանը։ Յուրաքանչյուր աշխատանքից հետո ներկայացված են ստուգաթերթեր, որոնք կօգնեն ուսուցչին կիսամյակի ավարտին ճիշտ բնութագրել սովորողի առաջընթացը, ինչպես նաև պլանավորել առաջիկա դասերը՝ չձևավորված վերջնարդյունքների շուրջ համապատասխան աշխատանքներ իրականացնելու միջոցով։
Ստուգաթերթերը կօգնեն նաև աշակերտներին՝ զարգացնելու ինքնաստուգում իրականացնելու կարողություն, ինչպես նաև ուղղություն կտան, թե որ վերջանարդյունքների ձևավորման շուրջ նրանք դեռևս պետք է աշխատեն։
