2020-ին Նյու Յորք մեկնող ինքնաթիռը վայրէջք է կատարում նույն օդանավակայանում երկու անգամ՝ մարտին եւ հունիսին։ Ուղևորները՝ խոհարար, փոփ աստղ, իրավաբան, գրող ու այլք, ձեռք են բերում իրենց կատարյալ կրկնակին, որի հետ ունեն կյանքի տարբեր ճանապարհներ՝ սկսած վայրէջքի պահից։ Ամենադժվար փորձությունը գիտակցելն է, որ գոյություն ունի ոչ թե մեկ, այլ երկու «ես»…
Էրվե Լը Տըլյեի «Անոմալիա»–ն պոլիֆոնիկ վեպ է, որ կարող է ընթերցվել որպես դետեկտիվ վեպ, սոցիալական երգիծավեպ, հոգեբանական վեպ, սիրավեպ, փիլիսոփայական նկրտումներ ունեցող թրիլեր և գիտաֆանտաստիկ վեպ, որը տնտղում է ֆիզիկայի, մաթեմատիկայի և տեխնոլոգիական առաջընթացի հնարավոր սահմանները։
