Բայց ո՞վ կարող է հիշել ցավը, երբ այն էլ չկա: Դրանից միայն ստվերն է մնում, անգամ ոչ գիտակցության մեջ, այլ մարմնում: Ցավը դրոշմում է քեզ, բայց շատ խորը, անտես: Աչքից հեռու, սրտից հեռու:
Մարգրեթ Աթվուդը ժամանակակից ամենահռչակավոր հեղինակներից է:
Ծնվել է 1939 թ. Կանադայում: Հեղինակել է ավելի քան հիսուն անուն գիրք՝ վեպեր, պոեզիայի և պատմվածքների ժողովածուներ, գրաքննադատական աշխատություններ, մանկական ստեղծագործություններ և այլն: Գրական կարիերայի ընթացքում արժանացել է բազմաթիվ հեղինակավոր մրցանակների, այդ թվում՝ Բուքերյան (երկու անգամ), Կանադայի գեներալ-նահանգապետի, Արթուր Քլարկի անվան, Աստուրիայի արքայադստեր, Ֆրանց Կաֆկայի անվան գրական և իտալական «Մոնդելլո» գրական մրցանակներին, ինչպես նաև մի շարք պատվավոր կոչումների, որոնցից են ֆրանսիական Արվեստների և գրականության շքանշանը և ամերիկյան Արվեստների ազգային ակումբի պատվո մեդալը:
Աթվուդի գրքերը թարգմանվել են տասնյակ լեզուներով և հրատարակվել ավելի քան քառասունհինգ երկրներում: Ապրում և ստեղծագործում է Կանադայում: