«Մայրենի 1» դասագիրքը տրամաբանորեն շարունակում է Այբբենարանի դասագիրքը։ Այն ունի կուռ կառուցվածք՝ 6 թեմաներ, որոնցից յուրաքանչյուրը ներառում է 2 – 3 գրվածք (տեքստ): Գրվածքները միջոց են՝ սովորողների մեջ ձևավորելու մայրենիի չափորոշչով սահմանված վերջնարդյունքները 4 բաղադրիչների ուղղությամբ՝ գիտելիք, հմտություն, արժեք և վերաբերմունք:
Դասագիրքը հնարավորություն է տալիս մայրենիի բոլոր դասերին ապահովելու խոսքային գործունեության բոլոր տեսակների՝ գրավոր և բանավոր աշխատանքների, խոսելու և լսելու համամասնությունը: Գրվածքների ուսումնասիրումն իրականացվում է իրար հետ տրամաբանորեն կապված հետևյալ բաժիններով, որոնք իրենցից ներկայացնում են <Զանգակ> հրատարակչության դասագրքերի կազմման հայեցակարգի բաղադրիչները՝
• Ե՛կ, պրպտելու գործ կա
• Ծանոթ – անծանոթ բառեր
• Ռազմավարություններ
• Գիտելիք
• Բառապաշար
• Հմտություններ
• Արժեքներ և վերաբերմունք
• Նպատակային խոսք
• Համագործակցում ենք
• Գնահատում
Դասագրքին կից նյութերը տե՛ս այստեղ։
Հասանելի է դասագրքի PDF տարբերակը:
