«Զանգակ» Այբբենարանին կից «Դասերը՝ քայլ առ քայլ․ նախաայբբենական շրջանի ուսուցչի ձեռնարկն» ուսուցչին առաջարկում է ոչ թե պարզապես պատրաստի դասապլաններ, այլ դասագրքի էջը կենդանի, մտածող ու համագործակցային դասի վերածելու գործնական ուղիներ։ Այն գաղափարների ու գործիքների շտեմարան է, որը յուրաքանչյուր ուսուցիչ կարող է հարմարեցնել իր դասարանին։
Խաղային ու հետազոտական իրավիճակները, խոսքային հենարանները, անհատականացված աշխատանքի տարբերակները և մեթոդական դիտարկումները օգնում են ուսուցչին ոչ թե պարզապես «անցնել» դասագրքի էջը, այլ կազմակերպել այնպիսի դաս, որի ընթացքում երեխան սովորում է՝ գործելով ու մտածելով։
