«Կերպարվեստ-1» դասագիրքն-տետրն իր կառուցվածքով, նպատակներով ու խնդիրներով բխում է Հանրակրթության պետական չափորոշչի տրամաբանությունից՝ որդեգրելով նոր սկզբունքներ և մոտեցումներ՝ կարողունակահեն կրթության համատեքստում։
Դասագիրք-տետրում առարկայական ծրագրի ուսումնական նյութը ներկայացված է փոխադարձորեն միմյանց պայմանավորող «Կերպարվեստ» առարկայական չափորոշչով սահմանված չորս հիմնական գաղափարների (ստեղծում, ներկայացում, արձագանքում, կապակցում) միջոցով։
Դասագիրք-տետրի հիմքում ընկած ծրագրային նյութի միջոցով դրվում է սովորողների նկարչական գրագիտության հիմքը։ Նրանք յուրացնում են կերպարվեստի «այբուբենը»՝ ձեռք բերելով նկարչական գործնական հմտություններ, հնարավորություն ստանալով ծավալելու ազատ, ինքնուրույն ու ստեղծագործական գործունեություն։ Դասագիրք-տետրը շաղկապում է գիտելիքն ու կարողությունը՝ սովորողի համար ստեղծագործելու և արարելու լայն հնարավորություններ ստեղծելով («Փոքրիկ հետազոտողների» համար դասագիրքն առաջարկում է նախագծային աշխատանքներ):
«Խաչվող հասկացություններ»-ը գիրք-տետրում ներկայացված են առաջադրանքների ուսումնասիրման շղթայում՝ ներքին կապերով բացահայտելով դրանք սովորողի համար։
Դասագրքի մեթոդական ուղեցույցը հասանելի է այստեղ:
Դասագրքին կից նյութերը տե՛ս այստեղ։
Հասանելի է դասագրքի PDF տարբերակը:
