«Մայրենի 4» դասագիրքը նպատակ ունի զարգացնելու ընթերցողական և հաղորդակցական կարողություններ սովորողակենտրոն դասավանդման միջոցով և համապատասխանում է Հանրակրթության պետական չափորոշչի պահանջներին։
Հիմնական առանձնահատկությունները.
1. Յուրաքանչյուր թեմա և դաս նպաստում են սովորողի մեջ կարևոր հիմնարար արժեքների ձևավորմանը (օրինակ՝ պատասխանատվություն, արդարություն, հայրենիքի հանդեպ սեր)։ Դասագիրքը հարուստ է տարբեր ժանրերի ստեղծագործություններով, ինչը զարգացնում է սովորողների գրական ճաշակը։
2. Ուսումնական նյութը ներկայացվում է «Պրպտիկի» և «Մտմտիկի» զրույցների միջոցով, որոնք սովորողների հետ միասին բացահայտում են ուսումնասիրվող թեմաները և խնդիրները։ Այս մոտեցումը դասընթացը դարձնում է ավելի փոխներգործուն։
3. Դասագիրքը նպատակ ունի զարգացնելու սովորողների ընթերցելու, գրելու, խոսելու, լսելու և քննադատական մտածողության հմտությունները։ Կազմված է այնպես, որ սովորողները կարողանան արտահայտել սեփական տեսակետը, քննարկել իրենց զգացմունքներն ու մտքերը, հիմնավորել իրենց կարծիքը և համագործակցել խմբում։
4. Դասագրքի բովանդակությունը թույլ է տալիս սովորողներին կապելու իրենց ուսումնական գիտելիքները իրական կյանքի հետ, ինչը նպաստում է սովորած նյութի ամրապնդմանը և գործնական կիրառմանը։
Հասանելի է դասագրքի PDF տարբերակը։
Դասագրքին կից տեսաձայնային նյութերին կարող եք ծանոթանալ այստեղ։
Առկա է «Մայրենի 4։ Դաս առ դաս պլանավորում։ Մաս 1» ուսուցչի ձեռնարկը։
