Դասագիրքը ներկայացնում է համաշխարհային և տարածաշրջանային աշխարհագրության արդիական խնդիրները՝ համադրելով բնության, տնտեսության, հասարակության և մշակույթի փոխկապակցված զարգացումները։

Դասագրքի PDF տարբերակը հասանելի է առցանց։ 
Դասագրքին կից տեսաձայնային նյութերը կարող եք ներբեռնել այստեղ։ 
Դասագրքի մեթոդական ձեռնարկը հասանելի է այստեղ։

Դասագիրքը կառուցված է թեմատիկ բաժիններով, որոնց միջոցով ուսումնասիրվում են՝
1.    Աշխարհի ինքնատիպ տարածաշրջաններն ու երկրները – ներկայացվում են տարածքային ամբողջականությունների ձևավորման սկզբունքները, աշխարհագրական դիրքի նշանակությունը, ինչպես նաև տարբեր տարածաշրջանների բնութագրերը (լեռնային, ծովափնյա, կղզային, արդյունաբերական, առողջարանային և այլն)։
2.    Տնտեսական սրընթաց աճ արձանագրած երկրներ և տարածաշրջաններ – ուսումնասիրվում է «նոր արդյունաբերական երկրների» (Կորեայի Հանրապետություն, Սինգապուր, Չինաստան և այլն) տնտեսական մոդելների զարգացումը, դրանց տեղը համաշխարհային տնտեսությունում և սոցիալ-տնտեսական ազդեցությունները։
3.    Բնապահպանական և գլոբալ հիմնախնդիրներ – դիտարկվում են համաշխարհային բնապահպանական մարտահրավերները՝ կլիմայի փոփոխություն, ջրային ռեսուրսների արդյունավետ օգտագործում, օվկիանոսների աղտոտում, անտառների և կենսաբազմազանության պահպանում, ինչպես նաև պարենային անվտանգության ու առողջապահության գլոբալ խնդիրները։
4.    Ժողովրդագրական գործընթացներ – ներկայացվում են աշխարհի տարբեր երկրների բնակչության աճի, տարածքային բաշխման, վերարտադրության առանձնահատկությունները, ինչպես նաև ժողովրդագրական խնդիրների կապը տնտեսական ու սոցիալական զարգացման հետ։
5.    Հայաստանի աշխարհագրական առանձնահատկություններն ու տեղը տարածաշրջանում – սովորողներն ուսումնասիրում են ՀՀ աշխարհագրական դիրքը, բնությունը, տնտեսական կառուցվածքը, բնակչության և մշակույթի առանձնահատկությունները, ինչպես նաև դրա դերը և ինտեգրումը տարածաշրջանային ու համաշխարհային գործընթացներում։
 Դասագիրքը ներառում է եզրույթներ, առաջադրանքներ, քննարկումներ, նախագծային և հետազոտական աշխատանքներ, ինչպես նաև տեսա-ձայնային հավելումներ (QR կոդերով)։