9-րդ դասարանի «Երաժշտություն» առարկայի դասագիրքն ունի երկու հիմնանպատակ՝ ամփոփել և համադրել հիմնական դպրոցում ստացած գիտելիքները, ինչպես նաև՝ ցուցադրել երաժշտության և իրական կյանքի միջև սերտ կապը։ Այդ կապը ցուցադրված է պատմական իրադարձությունների, բնության, մարդկանց կենցաղի, հավատալիքների հետ երաժշտության առնչությունների բացահայտման միջոցով։
Դասագիրքն անդրադառնում է այնպիսի հասկացություններին, ինչպիսիք են՝ մարդու երաժշտական ճաշակը և դրա ձևավորումը, այսօրվա երաժշտական միջավայրը։ 9-րդ դասարանում «Երաժշտություն» առարկայի կարևորագույն բաղադրիչներն են երաժշտության համատեղ ունկնդրումը և քննարկումը, դրա վերաբերյալ ուսումնասիրություններ կատարելը և բանավիճելը։ Որպես ունկնդրման և քննարկման նյութ ընտրված է ոչ միայն դասական, այլև տարբեր ազգերի ժողովրդական, ինչպես նաև պոպուլյար երաժշտությունը։
Դասագիրքը միտված է տարբեր մշակույթների և դարաշրջանների երաժշտության նկատմամբ բաց և հանդուրժողական վերաբերմունք ձևավավորելուն։ Անկախ սովորողների երաժշտական նախասիրություններից՝ նրանց առաջարկվում է նախևառաջ խորհել սեփական ընտրությունների մասին և քննադատաբար հիմնավորել դրանք։
Դասագիրքը նաև կարևոր տեղեկություններ է հաղորդում Հայաստանի մշակույթի և երաժշտական կյանքի մասին, քննարկում է մշակութային միջոցառումներ այցելելու էթիկետի տարրական կանոնները։
Հասանելի է դասագրքի PDF տարբերակը։
Դասագրքին կից տեսաձայնային նյութերը՝ այստեղ։
Մեթոդական ձեռնարկին կարող եք ծանոթանալ այստեղ։
դասագիքը լինքը
Քռ լինքը
